مراجعة رواية شيفرة بلال

مقدمة

رواية شيفرة بلال هي الرواية التالتة للدكتور أحمد خيري العمري بعد أبي أسمه إبراهيم بلال و ألواح و دسر ,لكن هي الرواية الأولى اللي أحداثها بتدور في وقتنا الحالي , دكتور أحمد خيري العمري كاتب إسلامي له كتب كثير زي البوصلة القرآنية و سيرة خليفة قادم و السيرة مستمرة ._أقروهم كلهم_ , أي حاجة عليها كلمة أحمد خيري العمري أشتروها و أقروها و لو قبلتوها في اليوتيوب وقفوا اي حاجة و أقعدوا شوفوها , لو مش فاضيين فضوا نفسكم بعدين اسمعهوها بعدين اسمعهوها تاني . 

 

الفكرة الأساسية

الرواية دسمة بالأفكار و كان عرض جيد لكذا فكرة زي الإيمان بالفكرة , أن تفعل شيء في حياتك و لا تكن حياتك بلا معنى و المواجهات المؤجلة و عدم عيش دور الضحية و الإستسلام للجلاد , دي موجز لأفكار أكثر بتعرضها الرواية و اللي كل عناصر الرواية بتخدم عليها عشان تظهر في أحسن صورة ,و اللي بالمناسبة كل عناصر الرواية من شخصيات و حوار و سرد و لغة و قصة قدرت جدا توصل الفكرة الاساسية في اطار يخلو تماما من النصح المباشر و التنظير الوعظي اللي كان مسيطر على نوعية شبيهة من الروايات .كل ده بالجانب لعرض اجزاء من حياة الصحابي الجليل بلال بن رباح عن طريقة لمحات هبينها اكثر في السرد . 

القصة

أحداث رواية شيفرة بلال بتاخدنا و بخطوط متوازية لخطين قصة رئيسين منهم خط قصة بيتفرع منه 3 خطوط ثانية.

الخط الأول في بروكلين نيويورك و اللي بنبدأ أحداثه " اللي هو الخط الدرامي الأول " بإيميل بيرسله بلال الطفل المصاب بالسرطان لأمجد الراجل العربي الأصل اللي بيكتب سيناريو لفيلم بيتكلم عن سيدنا بلال بن رباح و كان عايز يقراه قبل ما يموت لأن وقت بلال قليل و اللي بيخلينا نعدي على لاتيشيا أم بلال المدرسة اللي ابنها مصاب بالسرطان و عرفت انه في ايامه الاخيرة , فيتري التركيبة الدرامية دي هتنتج ايه . 

و في الخط الثاني في ومضات فلاش باك سريعة بيتعرض لينا قصة الصحابي بلال من رباح في صورة حديث داخلي لسيدنا بلال لاحداث حياته من منظوره . 

 

الحبكة

دسامة الرواية و رسائلها الكثير مقصرتش ابدًا على حبكة جيدة و أحداث كثيرة ل 4 شخصيات اساسية كل واحد في خط لوحده ساعات و احيان ثانية الخطوط كلها بتلتقي في نقطة وحدة و اللي كان بيربط الاحداث من منظور الثلاث شخصيات بلال احيانا و الصدفة في احيان اخرى ,

يمكن مش هتلاقي مفأجات كثير في الرواية أو إلتواءات غير عادية غير في الفصل الاخير من الرواية لما احداث كثير تعدى على شخصيتنا و اللي هيخليها تنضج بشكل يؤثر على تطور الشخصيات و رؤيتها و قرارتها و ده اللي هينتج عنه المفارقات فيما بعد .

 

السرد و اللغة

طريقة السرد كانت واخدة كذا شكل , كانت حديث داخلي في اغلب الاحيان و اتعرض بشكل رائع و هيخلي شعور و حالة الشخصيات بشكل قريب جدا مننا و نفهم بالظبط هما عايزين يقولوا ايه ,

تاني شكل في سرد احداث القصة و اللي كانت بدايات لقفزات صغيرة في تطور شخصيتنا هي الايميلات المتبادلة بين امجد و بلال 

و اخر شكل كان تدوين بلال على مدونة شخصية له . 

و اللغة كانت مفهاش تعبيرات مجازية كثير , لكن اللي بيتفرجوا على سينما كثير هيعرفوا تأثر دكتور احمد خيري العمري باسلوب العرض السينمائي في عرضه للرواية و اللي كانت ميزة مهمة جدا في عرض الرواية و اللي هيخليك بشكل كبير تتخيل احداث الرواية كفيلم بيتحكي عن طريق اكثر من شخصية , و اللغة سهلة تسهل للجميع فهمها دون تسطيح في نفس الوقت او تعمق صعب الوصول لطبقاته .

التقييم النهائي

رواية شيفرة بلال من أحسن التجارب الروائية اللي عدت عليا في حياتي و اللي ليها أثر فعلي و دور في تطوير شخصيتي , و اوعدك بوجبة روائية ممتازة و هتعلم معاك جدا 

تقيمي للرواية هو 62 / 50 "

  • Black Facebook Icon
  • Black Instagram Icon

©2019 جميع الحقوق محفوظة لصالح موقع shareybook.com

يعتبر قسم متجر الكتب في موقع شارك كتابك هو قسم وسيط بين المكتبات والقُراء  يحق لأي مكتبة مرخصة أن تعرض كتبها للبيع على موقعنا ويجب على القارئ أن يختار إسم المكتبة الذي يريد أن يشتري منها كتابه
قد تختلف صورة غلاف الكتاب بإختلاف الطبعة والصور الموجودة في الموقع هي الطبعات الاولى للكتب. 

جميع الكتب المتاحة للإعارة هي كتب متبرع بها لذلك هي مجاناً دائماً  أصبح بإمكانكم إستعارة الكتب أينما كنتم في المانيا مقابل دفع ثمن إرسال الكتب ويتحمل القارئ تكلفة الإعادة ومن المتوقع أن تكون التكلفة المجملة للإرسال والإعادة لكل كتاب ثلاثة يورو. تختلف باختلاف الكتب حسب الوزن والعدد.